ការប្រកួតពានរង្វាន់ Cambodian League Cup 2023 បានរកឃើញ២ក្រុមឡើងទៅកាន់វគ្គផ្ដាច់ព្រ័ត្ររួចរាល់ហើយកាលពីកាលយប់មិញនេះ គឺ ណាហ្គាវើលដ៍ និង ភ្នំពេញក្រោន។

ក្រុមណាហ្គាវើលដ៍ទម្លាក់ក្រុមជើងឯករងឆ្នាំចាស់ វិសាខា ដោយលទ្ធផលសរុបទាំង២ជើង ២ទល់១ ចំណែកភ្នំពេញក្រោនបានទម្លាក់ក្រុម គិរីវង់សុខសែនជ័យ ដោយលទ្ធផលសរុបទាំង២ជើង ៦ទល់០ ។

សូមបញ្ជាក់ឱ្យដឹងផងដែរថាការប្រកួតវគ្គផ្ដាច់ព្រ័ត្ររវាង ណាហ្គាវើលដ៍ ប៉ះ ភ្នំពេញក្រោន នឹងធ្វើឡើងនៅថ្ងៃអាទិត្យ ទី០៤ ខែមិថុនា ឆ្នាំ២០២៣ វេលាម៉ោង ៦:៣០ នាទីល្ងាច នៅកីឡដ្ឋាន កងយោធពលខេមរភូមិន្ទ (ស្តាតចាស់)។