ក្លិបភ្នំពេញក្រោនបានយកឈ្នះក្រុមម្ចាស់ផ្ទះគិរីវង់សុខសែនជ័យ ដោយលទ្ធផល ៣ទល់០ នៃការប្រកួតពានរង្វាន់ខេមបូឌានលីគខាប់២០២៣ វគ្គពាក់កណ្ដាលផ្ដាច់ព្រ័ត្រជើងទី១ ដោយ ៣គ្រាប់របស់ភ្នំពេញក្រោនរកបានដោយកីឡាករ Valenrii នៅនាទីទី៣៨, Anres Nieto នៅនាទីទី៧៩ និងកីឡាករ ឆុំ ភីសា នៅនាទីទី៨៦ ។

បន្ទាប់ពីឈ្នះគិរីវង់សុខសែនជ័យ ក្រុមភ្នំពេញក្រោនក្លាយជាក្រុមតែ១គត់ដែលមិនចាញ់សោះនៅក្នុងការប្រកួតពានរង្វាន់ខេមបូឌានលីគខាប់ឆ្នាំ២០២៣​ នេះដែលបានយក សូលទីឡូអង្គរ ២ទល់០​, ឈ្នះ ព្រះខ័នរាជស្វាយរៀង ១ទល់០, ឈ្នះ អង្គរថាយហ្គឺរ ៨ទល់១ , ឈ្នះ ណាហ្គាវើលដ៍ ២ទល់១, ឈ្នះ អាយអេសអាយដង្កោសែនជ័យ ១ទល់០  ឈ្នះ នគរបាលជាតិ ៣ទល់០ និងចុងក្រោយយកឈ្នះ គិរីវង់សុខសែនជ័យ ៣ទល់០ ទៀត។

គួរឱ្យដឹងផងដែរថា ភ្នំពេញក្រោននឹងបើកទ្វារផ្ទះទទួលគិរីវថ់សុខសែនជ័យ ការប្រកួតវគ្គពាក់កណ្ដាលផ្ដាច់ព្រ័ត្រជើង២ នៅថ្ងៃទី២៨ ខែឧសភា ឆ្នាំ២០២៣ វេលាម៉ោង ៦:៣០ នាទីល្ងាច នៅកីឡដ្ឋាន ស្មាត អរ អេស​ អិន៕