ក្លិបបាល់ទាត់នារី ភ្នំពេញក្រោន ក្លាយជាម្ចាស់ជើងឯក នៃការប្រកួតខេមបូឌានលីគនារី ឆ្នាំ២០២៥ ជាផ្លូវការហើយ កាលពីថ្ងៃអាទិត្យ ទី២៣ ខែវិច្ឆិកា ឆ្នាំ២០២៥ នៅកីឡដ្ឋាន កងយោធពលខេមរភូមិន្ទ។ ការប្រកួតស្វិតស្វាញនៅលើវាលស្មៅអស់រយៈពេលប្រមាណជា១៤សប្ដាហ៍ ពោលគឺចាប់ផ្ដើមប្រកួតនៅថ្ងៃទី៣១ ខែឧសភា ឆ្នាំ២០២៥ ដែលនឹងគ្រោងបញ្ចប់ នៅថ្ងៃទី៣០ ខែវិច្ឆិកា ឆ្នាំ២០២៥ ។ 

រូបភាព៖ ហ្វេសប៊ុកផ្លូវការ របស់ខេមបូឌានលីគនារី

ក្រុមនារី ក្លិបបាល់ទាត់ ភ្នំពេញក្រោនក្រោមការដឹកនាំរបស់គ្រូបង្វឹក ម៉ៅ សាវីន បានធ្វើឱ្យភ្នំពេញក្រោន លេងបានល្អខ្លាំងមែនទែនក្នុងរដូវកាលនេះ ព្រោះតែ១៤សប្ដាហ៍កន្លងមកក្រុមនារីភ្នំពេញក្រោន មិនធ្លាប់ចាញ់ឬស្មើសោះទាំងក្នុងដីនិងក្រៅដី។ ចំណែកឯគ្រាប់បាល់ដែលភ្នំពេញក្រោនរកបានសរុបប្រមាណ ១២១គ្រាប់និងមានពិន្ទុច្រើនជាងគេដាច់គឺ ៤២ពិន្ទុ ដោយការប្រកួតនាំឱ្យពួកគេទទួលបានជ័យជម្នះ គឺជាជំនួបជាមួយបឹងកេត ដោយលទ្ធផលបញ្ចប់គឺ ៨-០។

  រូបភាព៖ ហ្វេសប៊ុកផ្លូវការ របស់ខេមបូឌានលីគនារី

ចំណាត់ថ្នាក់ នៃការប្រកួតខេមបូឌានលីគនារី ឆ្នាំ២០២៥ 
១. ចំណាត់ថ្នាក់លេខ១៖ ក្រុមនារី ក្លិបបាល់ទាត់ភ្នំពេញក្រោន 
២. ចំណាត់ថ្នាក់លេខ២៖ ក្រុមនារី ក្លិបបាល់ទាត់វិសាខា
៣. ចំណាត់ថ្នាក់លេខ៣៖ ក្រុមនារី ក្លិបបាល់ទាត់ណាហ្គាវើលដ៍ 
ពានរង្វាន់ឯកត្តជន នៃការប្រកួតខេមបូឌានលីគនារី ឆ្នាំ២០២៥
១. គ្រូបង្វឹកល្អជាងគេ បានទៅលើអ្នកគ្រូ ម៉ៅ សាវិន របស់ភ្នំពេញក្រោន 
២. កីឡាការនីល្អជាងគេ បានទៅលើ សឿន វីផា របស់ភ្នំពេញក្រោន 
៣. អ្នកចាំទីល្អជាងគេ បានទៅអ្នក ជា ហ្វារីយ៉ា របស់ភ្នំពេញក្រោន 
៤. កីឡាការនីរកគ្រាប់បាល់ច្រើនជាងគេ បានទៅលើ សឿន វីផា របស់ភ្នំពេញក្រោន 
៥. ក្រុមគោរពវិន័យល្អជាងគេ បានទៅលើក្លឹបបាល់ទាត់ខេតត្តសៀមរាប 

កញ្ញា សឿន វីផា ស្ថិតនៅខាងឆ្វេង (រូបភាព៖ ហ្វេសប៊ុកផ្លូវការ របស់ខេមបូឌានលីគនារី) 

ចំណាត់ថ្នាក់លេខ២៖ ក្រុមនារី ក្លិបបាល់ទាត់វិសាខា (រូបភាព៖ ហ្វេសប៊ុកផ្លូវការ របស់ខេមបូឌានលីគនារី)

ចំណាត់ថ្នាក់លេខ៣៖ ក្រុមនារី ក្លិបបាល់ទាត់ណាហ្គាវើលដ៍ (រូបភាព៖ ហ្វេសប៊ុកផ្លូវការ របស់ខេមបូឌានលីគនារី)

សូមជម្រាបថា ពានរង្វាន់ខេមបូឌានលីគនារី បានធ្វើឡើងរយៈពេល៤ រដូវកាលរួចមកហើយ ។ ចំណែកឯ ក្រុមនារីភ្នំពេញក្រោន បានក្លាយម្ចាស់ជើងឯក នៃការប្រកួតខេមបូឌានលីគនារីចំនួន៣រដូវកាល ពោលគឺ ឆ្នាំ២០២៣ ជាម្ចាស់ជើងឯកលើកទី១, ឆ្នាំ២០២៤ ជាម្ចាស់ឯកលើកទី២ និងឆ្នាំ២០២៥ ជាម្ចាស់ជើងឯកលើកទី៣។ 

គួរឱ្យដឹងថា ការប្រកួតខេមបូឌានលីគនារី ឆ្នាំ២០២៥ មានក្លិបបាល់ទាត់ចូលរួមប្រកួតសរុប ៨រួមមាន៖ ភ្នំពេញក្រោន, វិសាខា, ណាហ្គាវើលដ៍, បឹងកេត, ព្រះខ័នរាជស្វាយរៀង, សៀមរាប, សមាគមបាល់ទាត់ខេត្តកណ្ដាល, និង សមាគមក្លិបបាល់ទាត់មីស្ទើរលេង។ សម្រាប់រូបមន្តនៃការប្រកួត ខេមបូឌានលីគនារី ឆ្នាំ២០២៥ គឺធ្វើឡើងជាការប្រកួតពីរជុំ ដើម្បីសន្សំពិន្ទុ ក្រុមណាដែលមានពិន្ទុច្រើនជាងគេ នឹងក្លាយជាម្ចាស់ជើងឯក៕ 

រូបភាព៖ ហ្វេសប៊ុកផ្លូវការ របស់ខេមបូឌានលីគនារី