ព្រះខ័នរាជស្វាយរៀង ដែលជាក្លិបកំពុងប្រកួតនៅជម្រើសជើងឯក ខេមបូឌានព្រីមៀរលីគ នឹងចូលរួមប្រកួត AFC Challenge League រដូវកាល ២០២៥/២៦ នៅក្នុងពូលឌីជាមួយក្រុម Manila Digger របស់ហ្វីលីពីន, SP Falcons របស់ម៉ុងហ្គោលី, និង Ezra FC របស់ឡាវ ។

ព្រះខ័នរាជស្វាយរៀង នឹងបើកទ្វារពហុកីឡដ្ឋានជាតិ មរតកតេជោ ១៦:០០ នាទីល្ងាច ដើម្បីទទួលក្រុមភ្ញៀវ SP Falcons របស់ប្រទេសម៉ុងហ្គោលី ដែលជាការប្រកួតដំបូងរបស់ព្រះខ័នរាជស្វាយរៀង នៅថ្ងៃអាទិត្យ ទី២៦ ខែតុលា ឆ្នាំ២០២៥ នេះ។ 

ចំណែកថ្ងៃពុធ ទី២៩ ខែតុលា ឆ្នាំ២០២៥ ព្រះខ័នរាជស្វាយរៀង នឹងត្រូវទទួលការប្រកួតទីពីររបស់ខ្លួនជាមួយក្រុម Ezra FC របស់ប្រទេសឡាវ ដែលនឹងចាប់ផ្ដើមការប្រកួតនៅវេលាម៉ោង ១៩:០០ នាទីយប់តទៅ។ ការប្រកួតចុងក្រោយ របស់ព្រះខ័នរាជស្វាយរៀង គឺជាជំនួបជាមួយក្រុម Manila Digger របស់ហ្វីលីពីន នៅថ្ងៃសៅរ៍ ទី១ ខែវិច្ឆិកា ឆ្នាំ២០២៥ នៅពហុកីឡដ្ឋានជាតិមរតកតេជោ វេលាម៉ោង ១៩:០០ នាទីយប់តទៅ។ 

មួយវិញទៀត ក្លិបភ្នំពេញក្រោន ក៏នឹងលេងវគ្គជម្រុះ ពានរង្វាន់ AFC Challenge League រដូវកាល ២០២៥/២៦ ផងដែរ ដោយភ្នំពេញក្រោន នឹងត្រូវជួបជាមួយក្រុមនៅក្នុងពូលអ៊ី រួមមានក្រុម Dewa United របស់ប្រទេសឥណ្ឌូនេស៊ី,  Shan United FC របស់មីយ៉ាន់ម៉ា, និងក្រុម Tainan City របស់ចិនតៃប៉ិ។ 

នៅក្នុងពូលអ៊ីនេះ ភ្នំពេញក្រោននឹងត្រូវជួប DEWA UNITED នៅថ្ងៃអាទិត្យ ទី២៦ ខែតុលា ឆ្នាំ២០២៥ នៅកីឡដ្ឋាន SPORT CENTRE KELAPA DUA TANGERANG ។ ប្រកួតមួយទៀតនៅថ្ងៃពុធ ទី២៩ ខែតុលា ឆ្នាំ២០២៥ នៅកីឡដ្ឋានដដែល និងការប្រកួតជម្រុះចុងក្រោយរបស់ភ្នំពេញក្រោន នឹងត្រូវប៉ះជាមួយក្រុម TAINAN CITY FC របស់ចិនតៃប៊ិ  នៅថ្ងៃសៅរ៍ ទី១ ខែវិច្ឆិកា ឆ្នាំ២០២៥ ។ 

គួរឱ្យដឹងផងដែរថា កាលប្រកួតពានរង្វាន់ AFC Challenge League រដូវកាល ២០២៤/២៥ ក្លិបព្រះខ័នរាជស្វាយរៀងបានត្រឹមជា ម្ចាស់ជើងឯករងតែប៉ុណ្ណោះ ដោយនៅវគ្គដណ្ដើមពាន ព្រះខ័នរាវស្វាយរៀង បានចាញ់ ក្រុម ArKadag ដោយលទ្ធផល ២-១ នៅលើទឹកដីរបស់កម្ពុជា ក្នុងកីឡដ្ឋាន មរតកតេជោ ៕