កម្ពុជានឹង​ធ្វើ​ជា​ម្ចាស់​ផ្ទះ ក្នុង​ការ​ប្រកួត​វគ្គ​ជម្រុះ នៃពានរង្វាន់ជើងឯក​យុវជន​អាយុក្រោម ២៣ឆ្នាំ ប្រចាំទ្វីប​អាស៊ីវគ្គជម្រុះ AFC U23 Asian Cup Saudi Arabia 2026 ​ ដែលចាប់​ផ្តើមពី​ថ្ងៃទី៣ ដល់ទី៩ ខែកញ្ញា ឆ្នាំ២០២៥ ខាងមុខនេះ នៅពហុកីឡដ្ឋានជាតិ (អូឡាំពិក) រាជធានីភ្នំពេញ ដោយកម្ពុជា ស្ថិតនៅពូល G ជាមួយក្រុម U23 អ៊ីរ៉ាក់, អូម៉ង់ និងប៉ាគីស្ថាន ។

ក្រុមជម្រើសជាតិកម្ពុជាអាយុក្រោម២៣ឆ្នាំ ត្រូវប្រកួតបើកឆាកជាមួយក្រុមជម្រើសជាតិអាយុក្រោម២៣ឆ្នាំ អូម៉ង់ វេលាម៉ោង ៧:០០​យប់ ថ្ងៃទី០៣ ខែកញ្ញា ឆ្នាំ២០២៥ ប្រកួតទី២ ត្រូវតទល់ជាមួយក្រុមជម្រើសជាតិអាយុក្រោម២៣ឆ្នាំ ប៉ាគីស្ថាន ថ្ងៃទី០៦ ខែកញ្ញា និងប្រកួតចុងក្រោយត្រូវប្រកួតជាមួយក្រុមជម្រើសជាតិអាយុក្រោម២៣ឆ្នាំ អ៊ីរ៉ាក់ នៅថ្ងៃទី០៩ ខែកញ្ញា ឆ្នាំ២០២៥។

គួរឱ្យដឹងផងថា ការប្រកួតវគ្គជម្រុះនេះនឹងប្រមូលផ្តុំទៅដោយក្រុមជម្រើសជាតិអាយុក្រោម ២៣ឆ្នាំ ចំនួន ៤៤ក្រុម ដោយចែកចេញជា ១១ពូល។ ក្រុមដែល​មាន​ចំណាត់​ថ្នាក់ លេខ១ ក្នុងពូលនីមួយៗ និងក្រុមក្រុម​លេខ២ ល្អចំនួន៤ក្រុម នឹងឡើងទៅប្រកួតជុំផ្ដាច់ព្រ័ត្រ ធ្វើឡើងនៅប្រទេសអារ៉ាប៊ីសាអូឌីត នាឆ្នាំ២០២៦៕