ការប្រកួតជម្រើសជើងឯក ខេមបូឌានព្រីមៀរលីគរដូវកាល ២០២៥/២៦ នឹងសម្រាកពីរសប្ដាហ៍ កំឡុង FIFA DAY ពោលគឺចាប់ពីថ្ងៃទី១ ដល់ថ្ងៃទី៩ ខែកញ្ញា ឆ្នាំ២០២៥។ ការប្រកួតជម្រើសជើងឯក ខេមបូឌានព្រីមៀរលីគ នឹងបន្តការប្រកួតសប្ដាហ៍ទី៤ វិញ នៅថ្ងៃសៅរ៍ ទី១៣ និង ថ្ងៃអាទិត្យ ទី១៤ ខែកញ្ញា ឆ្នាំ២០២៥។ 

គួរឱ្យដឹងថា គិតត្រឹមសប្ដាហ៍ទី៣ នៃការប្រកួតជម្រើសជើងឯក ខេមបូឌានព្រីមៀរលីគ ក្លឹបព្រះខ័នរាជស្វាយរៀងរកបាន៩ពិន្ទុ ដោយឆ្លងកាត់៣ប្រកួត។ តាមពីក្រោយដោយក្លឹប អង្គរថាយហ្គឺរមាន៦ពិន្ទុ ឆ្លងកាត់៣ប្រកួតដូចគ្នា។  ចំណែក ក្លឹបកងយោធពលខេមរភូមិន្ទ មាន៥ពិន្ទុ ប្រកៀកប្រកិតជាមួយក្លិបអង្គរថៃហ្គឺ។ ដោយឡែក ក្លឹប អឹម អូ អាយ កំពង់ដេវ៉ា, វិសាខា, ណាហ្គាវើលដ៍, និងបឹងកេត  មាន៤ពិន្ទុ ក្នុងដៃដោយឆ្លងកាត់ ៣ប្រកួតដូចគ្នា។ 

ចំណែក ក្លឹបគិរីវង់សុខសែនជ័យរកបាន៣ពិន្ទុ និងក្លឹបសិង្ហក្រហមភ្នំពេញក្រោនរកបាន ២ពិន្ទុ ។ ចំណែក ក្លឹបឡាយហ្វ ខេត្តព្រះសីហនុ និងអាយ អេស អាយ ដង្កោសែនជ័យ មិនទាន់រកបានមួយពិន្ទុនៅឡើយទេ ក្នុងចំណោមពីរប្រកួតរបស់ខ្លួន។ 

សូមចូលរួមទស្សនា ការប្រកួតបាល់ទាត់លីគកំពូលកម្ពុជាទាំងអស់គ្នា នៅសប្ដាហ៍ទី៤ តទៅ ដែលត្រលប់មកវិញបន្ទាប់ពីសម្រាកពីរសប្ដាហ៍កំឡុង FIFA DAY ៕