ការប្រកួតជម្រើសជើងឯកខេមបូឌានព្រីមៀរលីគ ឆ្នាំ២០២៥/២៦ បានឈានចូលដល់សប្ដាហ៍ទី២ នៅចុងសប្ដាហ៍នេះ ជាមួយការប្រកួតដ៏ស្វិតស្វាញ សម្រុករកគ្រាប់បាល់ រៀងៗខ្លួន។

សម្រាប់គូ Super Saturday ក្រុមកំពូលតារាង អង្គរថាយហ្គឺរ ទទួលក្រុមភ្ញៀវការពារតំណែងជើងឯក ព្រះខ័នរាជស្វាយរៀង ដែលកំពុងឈរក្នុងតារាងចំណាត់ថ្នាក់លេខ២ កាលពីប្រកួតក្នុងសប្ដាហ៍ទី១ ដែលការប្រកួតសប្តាហ៍ថ្មីនេះ ធ្វើឡើងនៅកីឡដ្ឋាន អាគីហីរ៉ូ កាតុ ក្នុងទឹកដីនៃខេត្តសៀមរាប នាថ្ងៃសៅរ៍ ទី១៦ ខែសីហា ឆ្នាំ២០២៥ វេលាម៉ោង ៦:០០នាទីល្ងាច ។
 
ក្រុមម្ចាស់ផ្ទះអង្គរថាយហ្គឺរ ក្រោមការដឹកនាំដោយលោក Yasunaga ប្រើប្រាស់ទម្រង់ ៣-៥-២  ធ្វើឱ្យកក្រើកសប្ដាហ៍ទី១ ដោយសុតបញ្ចូលទីគូប្រកួត អឹមអូអាយ កំពង់ដេវ៉ា រហូតដល់៦គ្រាប់ ដែលក្រុមអង្គរថាយហ្គឺរ មានភាគរយ គ្រប់គ្រងបាល់បានត្រឹមតែ ៣៩% សុត ១៦ជើង ចំគោលដៅ ៩ជើង និងកាតលឿង ២ ឈរកំពូលតារាង ចំណែកឯក្រុមភ្ញៀរ ព្រះខ័នរាជស្វាយរៀងនៅតែបន្ដភាពខ្លាំងរបស់ខ្លួន ក្រោមការដឹកនាំដោយលោក McConkey ប្រើប្រាស់ទម្រង់ ៤-៣-២-១ គ្រប់គ្រងបាល់បានរហូតដល់ ៥៧% សុត ១៧ជើង ចំគោលដៅ ៧ជើង រកគ្រាប់បាល់បាន ៣គ្រាប់ និងកាតលឿង ១ លើក្រុមណាហ្គាវើលដ៍នា ពហុកីឡដ្ឋានជាតិ មរតកតេជោ។

សូមរង់ចាំមើលថាតើអង្គរថាយហ្គឺរអាចរកជ័យជម្នះលើ ព្រះខ័នរាជស្វាយរៀង បានដែរឬទេ?

គួរឱ្យដឹងផងដែរថា ក្រៅពីជំនួប អង្គរថាយហ្កឺរ នឹង ព្រះខ័នរាជស្វាយរៀង ក៏បាន៤គូផ្សេងៗទៀតផងដែររួមមាន៖ គីរីវង់សុខសែនជ័យ ទទួល អឹមអូអាយ កំពង់ដេវ៉ា វេលាម៉ោង ៣:៤៥ នាទីរសៀល ថ្ងៃសៅរ៍ ស្អែកនេះ, បឹងកេត ទទួល ភ្នំពេញក្រោន វេលាម៉ោង ៦:០០ នាទីល្ងាច ថ្ងៃអាទិត្យ, ណាហ្គាវើលដ៍ ទទួល កងយោធពលខេមរភូមិន្ទ វេលាម៉ោង ៦:០០ នាទីល្ងាច ថ្ងៃអាទិត្យ និង១គូចុងក្រោយ វិសខា ទទួល ឡាយហ្វ ខេត្តព្រះសីហនុ វេលាម៉ោង ៦:០០ នាទីល្ងាច ថ្ងៃអាទិត្យដូចគ្នាផងដែរ៕

សូមទៅចូលរួមទស្សន៍លេងទាំងអស់គ្នានៅក្នង Mini app របស់ CPL Play ទាំងអស់គ្នា ដើម្បីមានឱកាសឈ្នះរង្វាន់ជាច្រើន ពី CPL។