ក្រុមម្ចាស់ជើងឯកខេមបូឌានព្រីមៀរលីគ ព្រះខ័នរាជស្វាយរៀង នឹងត្រូវជួបគ្នាជាមួយក្រុមម្ចាស់ជើងឯក សម្តេចអគ្គមហាសេនាបតីតេជោ ហ៊ុន សែន ភ្នំពេញក្រោន ដើម្បីដណ្ដើមពានរង្វាន់ គ្រុឌខេមបូឌានស៊ូភើរខាប់ ឆ្នាំ២០២៥ ដែលរៀបចំដោយក្រុមហ៊ុនខេមបូឌានព្រីមៀរលីគ និងចូលរួមឧបត្ថម្ភដោយ គ្រុឌ នៅដើមខែក្រោយនេះ ។

ពានរង្វាន់គ្រុឌខេមបូឌានស៊ូភើរខាប់ ឆ្នាំ២០២៥ គ្រោងនឹងរៀបចំនៅថ្ងៃអាទិត្យ ទី០៣ ខែសីហា ឆ្នាំ២០២៥ វេលាម៉ោង ០៦:០០ នាទីល្ងាច នាពហុកីឡដ្ឋានជាតិ (អូឡាំពិក) ខណៈដែលសំបុត្រនឹងមានដាក់លក់ឆាប់នេះៗ ដែល តំបន់ A មានតម្លៃ ១០០០០ រៀល និង តំបន់ B មានតម្លៃត្រឹមតែ 4000 រៀលប៉ុណ្ណោះ ។

គួរឱ្យដឹងផងដែរថា ក្រុមហ៊ុនខេមបូឌានព្រីមៀរលីគ បានរៀបចំពានរង្វាន់ខេមបូឌានស៊ូភើរខាប់ នេះចំនួន ៣លើកកន្លងមកហើយ ដោយ

លើកទី១ ឆ្នាំ២០២២ ភ្នំពេញក្រោនជាម្ចាស់ជើងឯក

លើកទី២ ឆ្នាំ២០២៣ ភ្នំពេញក្រោនជាម្ចាស់ជើងឯក

លើកទី៣ ឆ្នាំ២០២៤ ព្រះខ័នរាជស្វាយរៀង ជាម្ចាស់ជើងឯក

រង់ចាំមើលថា តើលើកទី៤ ឆ្នាំ២០២៥នេះ ក្រុមណាម្ចាស់ជើងឯក ?