ក្រុមជម្រើសជាតិនារីកម្ពុជា ត្រូវតទល់នឹង ក្រុមជម្រើសជាតិនារីហ្គាំ នៅថ្ងៃ ពុធ ទី២៥ ខែមិថុនា ឆ្នាំ២០២៥ វេលាម៉ោង ៧:០០ នាទីយប់ នាពហុកីឡដ្ឋានជាតិ (អូឡាំពិក) ដើម្បីត្រៀមការប្រកួត AFC Women's Asian Cup Australia 2026 Qualifiers ដែលកម្ពុជានឹងធ្វើជាម្ចាស់ផ្ទះការប្រកួតនេះផងដែរ។

ការប្រកួតមិត្តភាពអន្តរជាតិនេះ គឺជាឱកាសដ៏ល្អសម្រាប់ក្រុមជម្រើសជាតិនារីកម្ពុជា ក្នុងការបង្ហាញសមត្ថភាព បង្កើនបទពិសោធន៍ប្រកួតអន្តរជាតិ ព្រមទាំងជាការត្រៀមខ្លួនសម្រាប់ព្រឹត្តិការណ៍ប្រកួត AFC Women's Asian Cup Australia 2026 Qualifiers ដែលនឹងប្រព្រឹត្តិទៅចាប់ពីថ្ងៃទី២៩ ខែមិថុនា ដល់ថ្ងៃទី០៥ ខែកក្កដា ឆ្នាំ២០២៥ ហើយកម្ពុជានឹងធ្វើជាម្ចាស់ផ្ទះសម្រាប់ពូល G ផងដែរ។

គួរឱ្យដឹងផងដែរថានេះជាលើកដំបូងដែលក្រុមជម្រើសជាតិនារីកម្ពុជា ជួបជាមួយក្រុមដែលឆ្លងទ្វីប ជម្រើសជាតិនារីហ្គាំ ខណៈដែលកន្លងមកជម្រើសជាតិនារីកម្ពុជា ជួបតែក្រុមនៅក្នុងតំបន់អាស៊ានតែប៉ុណ្ណោះ។

សូមអញ្ជើញអ្នកគាំទ្របាល់ទាត់ជាតិទាំងអស់ មកចូលរួមទស្សនាផ្ទាល់ និងលើកទឹកចិត្តក្រុមជម្រើសជាតិនារីកម្ពុជា ដើម្បីបង្កើតសម្លេងហ៊ោរក្នុងទីលាន និងជាកម្លាំងចិត្តដ៏សំខាន់សម្រាប់កីឡាការិនីរបស់យើង។