ការប្រកួតជម្រើសជើងឯកខេមបូឌានព្រីមៀរលីគ ឆ្នាំ២០២៤/២៥ បានបញ្ចប់ជុំទី១ហើយកាលពីរាត្រីយប់មិញនេះដោយមានការប្រកួតប្រជែងស្វិតស្វាញ ជក់ចិត្ត ជាខ្លាំង។

ក្នុងនោះសិង្ហក្រហមភ្នំពេញក្រោនបានបន្ដភាពខ្លាំងរបស់ខ្លួនទៀតហើយដោយ បានយកឈ្នះ អាយអេសអាយដង្កោសែនជ័យ នៅក្នុងទឹកដីខ្លួនឯង លទ្ធផល ១ទល់០ ដែលធ្វើឱ្យ ១០ប្រកួតរបស់ភ្នំពេញនៅជើងទី១នេះ ឈ្នះទាំង១០ប្រកួត មាន ៣០ពិន្ទុពេញ សុតបញ្ចូលទីគេរហូតដល់ ៤៣គ្រាប់ គេសុតចូលតែ១១ គ្រាប់តែប៉ុណ្ណោះ ហើយមានគ្រាប់បាល់ចំណេញ៣២គ្រាប់ ។

គួរឱ្យដឹងផងដែរថា គិតត្រឹមសប្ដាហ៍ទី១០នេះ ក្រុមភ្នំពេញក្រោន មាន ៣០ពិន្ទុពេញ មានគ្រាប់បាល់ចំណេញ ៣២គ្រាប់, លេខ២ វិសាខា មាន២៤ពិន្ទុ មានគ្រាប់បាល់ចំណេញ ២១គ្រាប់, លេខ៣ អង្គរថាយហ្គឺរ មាន១៩ពិន្ទុ មានគ្រាប់បាល់ចំណេញ ៣គ្រាប់, លេខ៤ ណាហ្គាវើលដ៏​ មាន១៨ពិន្ទុ មានគ្រាប់បាល់ចំណេញ ៣គ្រាប់, និងលេខ៥ ព្រះខ័នរាជស្វាយរៀង មាន១៥ពិន្ទុ មានគ្រាប់បាល់ចំណេញ ១៧គ្រាប់ ៕