ការប្រកួតជម្រើសជើងឯកខេមបូឌានព្រីមៀរលីគ ឆ្នាំ២០២៤/២៥ សប្ដាហ៍ទី៦បានបញ្ចប់កាលពីរាត្រីយប់មិញនេះ ភ្នំពេញក្រោននៅតែរក្សាភាពខ្លាំងរបស់ខ្លួនមិនស្គាល់ពាក្យថាចាញ់៥ប្រកួតជាប់គ្នា ខណៈដែលអង្គរថាយហ្គឺរលើកដំបូងក្រោមថ្វីជើងម្ចាស់ផ្ទះវិសាខា ដោយលទ្ធផល ២ទល់១ ។

ភ្នំពេញក្រោនបន្ដឈ្នះក្នុងការប្រកួតសប្ដាហ៍ទី៦ នៃខេមបូឌានព្រីមៀរលីគ២០២៤/២៥ ទៅលលើម្ចាស់ផ្ទះណាហ្គាវើលដ៏ដោយលទ្អផលមិនគួរឱ្យជឿ ៦ទល់២ ដែលធ្វើឱ្យពួកគេក្លាយជាក្រុមតែមួយគត់មិនទាន់ស្គាល់ពាក្យថាចាញ់សោះ ៥ប្រកួតជាប់ៗគ្នា និងធ្វើឱ្យពួកគេឡើងទៅឈរកំពូលតារាងវិញសម្រាប់សប្ដាហ៍ទី៦នេះ។

គិតត្រឹមសប្ដាហ៍ទី៦នេះ ក្រុមភ្នំពេញក្រោន ឡើងឈរកំពូលតារាងវិញ ៥ប្រកួត ឈ្នះទាំង៥ មាន ១៥ពិន្ទុពេញ មានគ្រាប់បាល់ចំណេញ ១៤គ្រាប់, លេខ២ ព្រះខ័នរាជស្វាយរៀង ៥ប្រកួត ឈ្នះ៤ ចាញ់១ មាន១២ពិន្ទុ មានគ្រាប់បាល់ចំណេញ ១៦គ្រាប់, លេខ៣ វិសាខា ៦ប្រកួត ឈ្នះ ៤ ចាញ់២ មាន១២ពិន្ទុ មានគ្រាប់បាល់ចំណេញ ១០គ្រាប់ លេខ៤ អង្គរថាយហ្គឺរ ៥ប្រកួត ឈ្នះ ៤ ចាញ់១ មាន១២ពិន្ទុ មានគ្រាប់បាល់ចំណេញ ៥គ្រាប់ និងលេខ៥ ណាហ្គាវើលដ៍ ៥ប្រកួត ឈ្នះ៤ ចាញ់១ មាន៩ពិន្ទុ ជំពាក់គ្រាប់បាល់គេ ១គ្រាប់៕