ក្លឹបបាល់ទាត់ Young Elephants របស់ឡាវ នឹងធ្វើដំណើរមកដល់ប្រទេសកម្ពុជា ដើម្បីប្រកួតវគ្គជម្រុះពានរង្វាន់ ASEAN Club Championship-Shopee Cup 2024/2025 ជើងទី២ ជាមួយនឹងព្រះខ័នរាជស្វាយរៀង នៅវេលាម៉ោង ០១:០០ រសៀលនេះ ។

ក្រុម Young Elephants បានប្រកួតចាញ់ព្រះខ័នរាជស្វាយរៀងយ៉ាងតឹងតែងដោយលទ្ធផល ៣ទល់២ កាលពីរាត្រីថ្ងៃទី ១៧ ខែកក្កដា ឆ្នាំ២០២៤ នាកីឡដ្ឋានជាតិរបស់ឡាវកន្លងទៅ ហើយពួកគេនឹងត្រឡប់មកប្រកួតនៅជើងទី២នៅកម្ពុជាយើងវិញនាថ្ងៃទី២៤ ខែកក្កដា ឆ្នាំ២០២៤ វេលាម៉ោង ៧:០០ នាទីយប់ នាពហុកីឡដ្ឋានជាតិអូឡាំពិក។

គួរឱ្យដឹងផងដែរថាបើព្រះខ័នរាជស្វាយរៀង ឬ Young Elephants ឆ្លងផុតវគ្គ Play-Off នោះពួកគេនឹងឡើងទៅវគ្គ Group Stage ក្នុងពូល A មាន BG Pathum United FC របស់ថៃ , Terengganu FC របស់ម៉ាឡេស៊ី, PSM Makassar របស់ឥណ្ឌូនេស៊ី , Đông Á Thanh Hóa FC របស់វៀតណាម និង Play-off2 (Kasuka FC/Shan United FC)៕