បន្ទាប់ពី សម្រាកមួយរយៈ​សម្រាប់ព្រឹត្តិការណ៍ AFC Asian Cup 2022 វគ្គជម្រុះ នៅឥណ្ឌារួចមក ការប្រកួតលីគទាំងពីរ នឹងវិលត្រលប់មកវិញ​ហើយក្នុងសប្តាហ៍នេះ ។ ដោយលីគទី១ ឈានចូលដល់ ជុំទី២ ត្រូវនឹងសប្តាហ៍ទី៨ ។ សម្រាប់សប្តាហ៍ទី៨នេះ គឺយើងមានតែ ២ប្រកួត​ ប៉ុណ្ណោះ ដោយក្លិប២ក្នុង​លីគទី១ មានភារៈកិច្ច ប្រកួត AFC Cup 2022 វគ្គជម្រុះ គឺ ក្លិបបាល់ទាត់​ភ្នំពេញក្រោនត្រូវប្រកួតនៅ ប្រទេសវៀតណាម និង ក្លិបបាល់ទាត់វិសាខា ត្រូវប្រកួតនៅប្រទេសឥណ្ឌូនេស៊ី ។

សម្រាប់ ២ប្រកួត ក្នុងសប្តាហ៍ទី៨ នឹងត្រូវធ្វើឡើងនៅថ្ងៃសៅរ៍ ទី ២៥ ខែ មិថុនា ឆ្នាំ ២០២២ ដែល ក្លិបបាល់ទាត់​ណាហ្គាវើលដ៏ អេហ្វស៊ី ប្រកួតជាមួយ បឹងកេត អេហ្វស៊ី នៅ កីឡដ្ឋាន ខេមបូឌានអ៊ែវ៉េ​ វេលាម៉ោង ១៥ នឹង ៤៥នាទី និង ក្លិបបាល់ទាត់គិរីវង់សុខសែនជ័យ ទទួលក្រុមភ្ញៀវ ក្លិបបាល់ទាត់ព្រះខ័នរាជស្វាយរៀង នៅឯកីឡដ្ឋាន គិរីវង់ វេលាម៉ោង ១៥ នឹង ៤៥នាទី ។

ចំណែកឯ លីគ២ ឈានចូលសប្តាហ៍ទី៨ នឹងត្រូវធ្វើឡើងនៅថ្ងៃអាទិត្យ ទី ២៦ ខែ មិថុនា ឆ្នាំ ២០២២ ដែលមាន ៦​ក្រួត ៖

• ក្លិបបាល់ទាត់ខេត្តព្រៃវែង ប្រកួតជាមួយ ក្លិបបាល់ទាត់​សៀមរាប នៅ កីឡដ្ឋាន​ខេត្តព្រៃវែង
• ក្លិបបាល់ទាត់នគរបាលជាតិ ប្រកួតជាមួយ ក្លិបបាល់ទាត់​ខេត្តបន្ទាយមានជ័យ នៅ ទីលាន 7NG
• ក្លិបបាល់ទាត់ខេត្តត្បូងឃ្មុំ ប្រកួតជាមួយ ក្លិបបាល់ទាត់អាយ អេស អាយ ដង្កោរសែនជ័យ នៅ វិទ្យាល័យ​ប៊ុនរ៉ានី ហ៊ុន សែន មេមត់
• ក្លិបបាល់ទាត់សូទីលូអង្គរ ប្រកួតជាមួយ សាលាកីឡាបាល់ទាត់ជាតិ នៅ កីឡដ្ឋាន​ហនុមាន
• ក្លិបបាល់ទាត់អាស៊ីអឺរ៉ុបយូណាយធីត ប្រកួតជាមួយ ក្លិបបាល់ទាត់​ណិចស្តិប នៅ កីឡដ្ឋាន​ អេអ៊ីយូ ស្ពតផាក
• ក្លិបបាល់ទាត់អគ្គិសនីកម្ពុជា ប្រកួតជាមួយ ក្លិបបាល់ទាត់​កោះកុង នៅ កីឡដ្ឋាន​អគ្គិសនីកម្ពុជា

ការប្រកួតក្នុងលីគ២ ទាំងអស់នឹងធ្វើឡើងនៅវេលា ម៉ោង ១៥ នឹង​៤៥នាទី។

កុំភ្លេចចូលរួមទស្សនាផ្ទាល់ និង តាមរយៈការ LIVE នៅលើផេក Cambodian Premier League អោយបានច្រើនកុះករ ។ លីគខ្លាំង ជម្រើសជាតិខ្លាំង ៕